Hitlerin evi yıxılacaq

Avstriya dövləti nasistlərin lideri Adolf Hitlerin anadan olduğu evi uçurmaq qərarına gəlib.

Ölkə.Az xəbər verir ki, Avstriyanın Branau şəhərində olan və illərdir aqibəti müzakirə mövzusu təşkil edən bu ev nəhayət yerlə yeksan ediləcək.

Avstriyanın Daxili İşlər naziri Volfqanq Sobotka ekspertlər komissiyasının tövsiyəsi ilə Hitlerin anadan olduğu evin yıxılıb yerində yeni bir bina tikiləcəyini bildirib. Nazirin sözlərinə görə, bu qərar parlamentə təqdim ediləcək. 17-ci əsrə aid olan bina tarixi əsər sayıldığı üçün komissiyanın verdiyi qərar parlament tərəfindən təsdiqlənməlidir.

1889-cu ildə Hitlerin anadan olduğu ev neo-nasistlər tərəfindən ziyarət edilir. Bu isə Avstriyada narahatlığa səbəb olur. Bu qərar ilə Hitlerin anadan olduğu evin neo-nasistlər üçün bir abidə kompleksinə çevrilməsinin qarşısı alınacaq.

Adolf Hitler 1889-cu il 20 aprel tarixində bu binada dünyaya gəlib. Bir neçə həftə sonra ailəsi ilə başqa evə köçüb. Adolfun 3 yaşı olanda Braunaudan başqa şəhərə köçüb. 1938-ci ildə bu bina Hitlerin xüsusi katibi Martin Bormann tərəfindən yüksək məbləğə alınaraq mədəniyyət evinə çevrildi. Müharibədən sonra nasistlər evi partlatmaq istəsələr də, amerikalılar bu işə əngəl oldular. 1952-ci ildə keçmiş sahibi tərəfindən yenidən satın alınan bina bir müddət kitabxana kimi xidmət edib. İllərin təsiri nəticəsində xarab olan binanın təmiri baha olduğu üçün 2011-ci ildən sahibi tərəfindən tərk edilib və boşdur.

Hikmət
Ölkə.Az