Gecə vaxtı bu qidaları qəbul etmək məsləhət deyil

Dünən Ölkə.Az saytında dünyanın ən bahalı qidalarının siyahısını paylaşdıq. Bu gün isə fikrimiz var ki, axşam saatlarında qəbul edilməsi məsləhət olmayan 10 qidanı oxucularla bölüşək. Çünki bu qidaları yuxudan öncə qəbul etdikdə insan sağlamlığına mənfi təsir göstərir.

1. Kəsmik

Gündüz saatlarında kəsmik həzm prosesinə kömək edir və həzm sistemini sakitləşdirir. Axşam saatlarında isə kəsmik qəbul etmək xüsusən də soyuqdəyməyə meyilli adamlara məsləhət görülmür. Kəsmik selik yaranmasına səbəb olur.

2. Düyü

Gündüz saatlarında maddələr mübadiləsi daha tez baş verdiyi üçün karbohidratların kalorisi yanır. Axşam düyü yemək çəki artımına səbəb olur.

3. Alma

Gündüz alma yemək faydalıdır. Almanın tərkibində olan pektin maddəsi mədə-bağırsaq sisteminin fəaliyyətini yaxşılaşdırır və qəbzliyin qarşısını alır.
Axşam alma qəbul etmək isə zərərlidir. Üzvi turşular mədədə turşuluğu artırır və diskomforta səbəb olur. Petkin isə gecə vaxtı həzm prosesinə mənfi təsir göstərə bilər.

4. Şirniyyat

Gündüz vaxtı orqanizmin ifraz etdiyi insulin şəkərlə asanlıqla mübarizə aparır. Gecə vaxtı isə şəkər çəki artımına səbəb olur. Eyni zamanda, şəkər həzm prosesinə də mənfi təsir edir və narahat yuxuya səbəb olur.

5. Banan

Tərkibində sellüloza olan banan gündüz saatlarında həzm prosesinə kömək edir. Banan turşuluğu azaldır. Axşam banan qəbul etmək isə soyuqdəymə ilə nəticələnə bilər. Boş mədəyə yeyilən bu meyvə tərkibində yüksək miqdarda maqnium olduğu üçün mədə pozulmasına səbəb ola bilər.

6. Ət

Ət gec həzm olunan qidadır. Tərkibində yüksək miqdarda zülal olduğu üçün konsentrasiyanı yaxşılaşdırır və fiziki gücü artırır.
Gecə vaxtı qəbul edilən ət isə həzm sisteminin işini çətinləşdirir və narahat yuxuya səbəb olur.

7. Qoz

Qozun tərkibində çoxsaylı faydalı maddələr, o cümlədən omeqa-3 yağı və antioksidantlar var. Qoz beyin fəaliyyətini yaxşılaşdırır. Axşam isə orqanizmə o qədər də faydalı deyil.

8. Əncir və ərik

Gündüz saatlarında əncir və ərik yemək maddələr mübadiləsini sürətləndirir, həzm sistemini gücləndirir. Axşam isə həzmi zəiflədir və qaz yaranmasına səbəb olur.

9. Pendir

Vegeterianlar üçün əti əvəz edən əla qidadır. Pendir çəkini azaltmağa və qarını əritməyə kömək edir.
Axşam vaxtı isə pendir qəbul etmək əks effekt yarada bilər. Çünki pendirin həzm prosesi ağır gedir.

10. Süd