Apple yeni məhsulunu təqdim edəcək

Apple şirkəti ikinci payız təqdimatına aid dəvətnamələri artıq göndərib

Ölkə.Az xəbər verir ki, yeni məhsulun təqdimatı üçün nəzərdə tutulan konfrans 27 oktyabr tarixinə təyin edilib.

Pro seriyasına aid notbuklar yenidən dizayn ediləcək. Eyni zamanda USB Tybe-C portu ilə də təchiz ediləcək. Klaviaturanın yuxarı hissəsinə sensorlu OLED displeyi başqa bir yenilik sayılacaq. Ekran bir sıra klavişləri əvəz edəcək və kompüterə aid bəzi məlumatları əks etdirəcək.

MacBook Air modeli də bəzi dəyişikliklərə məruz qalacaq. Əsasən USB Type-C qurğusu ilə təchiz ediləcək və seriyada ancaq 13 düymlük versiya qalacaq.

Şirkət eyni zamanda iPad Pro modelini də təqdim edəcək.

Hikmət
Ölkə.Az