Monteskyü türklər haqda nə deyib?

Fransalı mütəfəkkir Monteskyü 1689-cu il yanvar ayının 18-i anadan olub. Onun tam adı Şarl-Lui de Sekonda, baron Lya Bred de Monteskyüdür. Monteskyü "İran məktubları" romanının müəllifidir. Eyni zamanda, hakimiyyətin paylaşılması doktrinasının da müəllifidir.

Yuxarıda adı qeyd edilən əsərdə Monteskyü türk milləti haqda fikirlərini bölüşüb.

Ölkə.Az bu fikirləri sizə çatdırır:

Dünyanın heç bir milləti şöhrət və əzəmətli istilalarına görə türkləri ötə bilməz. Bu millət kainatın əsl sahibidir.

Elə bil ki, digər millətlər türklərə xidmət etmək üçün yaradılıb. O həm imperiyalar qurur, həm də imperiyaları məhv edir. Bütün dövrlərdə dünyaya qüdrətini nümayiş etdirib. Bütün əsrlərdə türklər millətlərin bəlasına çevrilib.

Onlar iki dəfə Çini fəth ediblər. Bu vaxta qədər də onu öz nüfuz dairələrində saxlayırlar. Böyük ərazilərə malik Böyük Moğol imperiyası olub.

Onlar İranın hökmdarlarıdır. Kir və Qistaspın taxtında oturublar. Onlar Rusiyanı da fəth ediblər. Türk adı altında Avropa, Asiya və Afrikanı ələ keçiriblər. Dünyanın üç hissəsinə ağalıq edirlər.

Əgər antik dövrdən danışsaq, Roma imperiyası da türklər tərəfindən işğal edilib. Makedoniyalı İskəndərin yürüşləri Çingizxanın fəthləri ilə müqayisə edilə bilərmi?

Ancaq bu qalib xalqın şücaət və hünərlərini qələmə alacaq tarixçiləri olmayıb. Nə qədər ölməz əməllər unudulmağa tərk edilib! Türklər tərəfindən qurulan bir çox dövlətin tarixini biz bilmirik!

Bu döyüşkən xalq ancaq şöhrəti ilə məşğul olub və əbədi məğlubedilməz olduğuna əmin olub. Əvvəlki yürüşlərini və fəthlərini əbədiləşdirmək fikri onları məşğul etməyib.

Hikmət
Ölkə.Az