Hormonal fonun yaxşılaşdırılması üçün zəruri olan
Bizim əhval-ruhiyyəmiz, xarici görünüşümüz və sağlamlığımız hormonal sistemin balansından asılıdır. Əgər orqanizmin hormonal fonunda problem yaranırsa, sağlamlıq və əhvalımızda problemlər ortaya çıxır. Yorğunluq və gərginlik artır, əlavə çəki yaranır və immunitet zəifləyir. Qida rasionumuza dəyişiklik edərək hormonal fona təsir etmək olar.
Ölkə.Az hormonal sistemə müsbət təsir edən ərzaqların siyahısını təqdim edir:
1-Gül kələmi
Gül kələmi sağlamlıq üçün çox faydalıdır. Onun tərkibində vitaminlər, mikroelementlər və doymamış yağlı turşular var. Pəhriz üçün də əvəzedilməzdir. Çünki 100 qram gül kələminin tərkibində cəmi 30 kilokalori var. Eyni zamanda bu kələm estrogenin miqdarını da artırır ki, bu da öz növbəsində saç və dırnaqların sağlamlığına təsir edir.
2-Avokado
Çox kalorili meyvədir. 100 qram avokadonun tərkibində 208 kilokalori var. Yağlı turşu mənbəyi olduğu üçün dünyanın bütün həkimləri avokadonu pəhriz siyahısına salmağı məsləhət görür. Eyni zamanda bu meyvənin tərkibində mikroelementlər, mineral maddələr və vitaminlər var. Proqesteron və estrogenin miqdarını artırır ki, bu da öz növbəsində dərinin sağlamlığına müsbət təsir göstərir. Hormonal balansı qorumaq üçün həftədə 2-3 avokado yemək kifayət edir.
3-Qızıl balıq (losos)
Qızıl balığın tərkibində qidalandırıcı zülal var və omeqa-3 adlı doymamış yağ turşularının mənbəyi hesab edilir. Bu isə hüceyrə menbranlarına müsbət təsir edir, hormonlara təyinat məntəqəsinə çatmağa kömək edir, steroid və cinsi hormanların sintezində iştirak edir. Bundan başqa, orqanizmdə möhkəm sümük və dişlər üçün lazım fosfor da qızıl balığın tərkibində var. Bundan başqa lososun tərkibində D, B6, B12 və başqa vitaminlər də var. Həftədə iki dəfə yemək məsləhət görülür.
4-Sirkən
Bu qidanı cavanlıq mənbəyi də adlandırmaq olar. Qanın tərkibində şəkərin miqdarını azaldır, holesterini normallaşdırır və androgen hormonlarının səviyyəsini normada saxlamağa kömək edir. Eyni zamanda orqanizmə sakitləşdirici təsir göstərir, toksinləri bədəndən ifraz edir, ürək-damar xəstəliklərinin qarşısını alır. Həkimlər sirkəni həftədə iki dəfə qida rasionuna daxil etməyi məsləhət görür. İstifadədən əvvəl yumaq və bir neçə saat suda saxlamaq lazımdır.
5-Yumurta sarısı
Yumurta sarısı vacib elementlər mənbəyidir. Onun tərkibində yeni hüceyrələrin yaranması üçün lazım olan melatonin, omeqa-6 və omeqa-3 yağ turşuları var. Ürək-damar və sinir sisteminin fəaliyyətini normallaşdırır, orqanizmə allergiya və soyuqdəyməyə qarşı mübarizə aparmağa kömək edir. Həftədə bir dəfə qida rasionuna əlavə etmək məsləhətdir.
6-Badam
Badam çərəzlərin kralı sayılır. Badam uzun əsrlərdir ki, həm kulinariyada, həm də mətbəxdə istifadə edilir. Həzmə müsbət təsir edir, tərkibində çoxlu vitamin və mineral maddə var. Qanı yaxşı təmizləyir və ödü çıxarır. Adiponektin hormonunun səviyyəsini artırır. Bu isə dərini yaxşılaşdırır. Gün ərzində 10-11 ədəd badam yemək məsləhət görülür.
Hikmət
Ölkə.Az
