“WhatsApp”-dan “iPhone” istifadəçilərini sevindirəcək

“WhatsApp” tətbiqetməsi “iOS” istifadəçilərinə şəkillərə yazı və “smaylik” əlavə etmə imkanı yaradıb.

Ölkə.Az xəbər verir ki, dünyanın ən böyük mesajlaşma platforması sevilən yeniliyi ilə “Snapchat” tətbiqetməsini qısqandıracaq.

Şəkillərə yazı və “smaylik” əlavə edə bilmək üçün “WhatsApp” tətbiqetməsinin sonuncu versiyasını “App Store”dan endirmək lazımdır.

Bununla yanaşı “WhatsApp” daha bir yeniliyə imza atıb. Belə ki, bundan sonra qrup moderatorları başqa şəxsləri də qrupa dəvət edə biləcək. Bu yeniləmə ilə birlikdə “qrupa link ilə dəvət et” seçimi də olacaq. Bu xüsusiyyət ilə yeni şəxslər qrupa bir link ilə dəvət edilə biləcək.