Ac qalmamaq üçün rəsm əsərlərini satan Adolf Hitler

İyirminci əsrin fenomen şəxslərindən biri də Adolf Hitlerdir. İkinci Dünya Müharibəsinin əsas səbəbkarı sayılan nasist lider cavanlığında rəsmə böyük maraq göstərib.

Ölkə.Az Adolfun rəsmə olan maraq tarixçəsini sizə təqdim edir:

Adolf Hitler cavanlığında rəsmlə ciddi surətdə məşğul olub. O, iki dəfə, 1907 və 1908-ci illərdə Vyanada Rəssamlıq Akademiyasına daxil olmağa cəhd də edib. Amma hər iki dəfə də uğursuz rəssamdan mədəni surətdə xahiş ediblər ki, bəxtini başqa sahədə, məsələn arxitektura akademiyasında sınasın. Amma gələcək fürerin həvəsi rəsm sahəsinə olduğu üçün arxitektura barədə heç düşünməyib. Gənc Adolf dolana bilmək, acından ölməmək üçün Vyananın görməli yerlərini açıqca kimi kətana köçürür, sahibkar dostu Semuel Morqenşternin vasitəçiliyi ilə turistlərə satırdı. Morqenşeynin bu günə qədər də qalan mühasibat sənədlərinə əsasən məlum olub ki, Adolfun rəsmlərinin əsas alıcıları yəhudilər olub. Məsələn, Yozef Feynhold adlı bir yəhudi vəkil Hitlerin qələmə aldığı köhnə Vyana rəsmlər seriyasını satın alıb.

1914-cü ildə 25 yaşlı Adolf Birinci Dünya Müharibəsində iştirak etmək üçün ordu sıralarına cəlb olunur. O, əşyalarını da özü ilə götürüb cəbhəyə yollanır. Hitler boş vaxtlarda rəsm çəkməklə məşğul olub. Bu dövrdə hərbi mövzuya aid işlədiyi əsərlər siyasətlə məşğul olmazdan əvvələ aid son işləri sayılır.

Bəzi mənbələrə görə, bu günə qədər dünyada Hitlerin fırçasından çıxan 720 rəsm əsəri var. Onlardan bir çoxu vaxtilə on minlərlə dollara alınaraq şəxsi kolleksiyaların bəzəyinə çevrilib. Maraqlıdır ki, əsərlərin satışı böyük çətinliklə başa gəlib. Çünki hərrac evlərinin əksəriyyəti yəhudilərə məxsusdur. Onlar isə prinsipial olaraq bu əsərləri hərraca çıxarmağa icazə vermirlər.

İkinci Dünya Müharibəsi zamanı amerikalı hərbçilər tərəfindən fürerin bir neçə yüz rəsm əsəri ələ keçirilib və bu günə qədər də ABŞ dövlətinin xüsusi anbarlarında saxlanılır. Amerika hökuməti bu günə qədər də bu əsərlərin sərgisini təşkil etməkdən imtina edir.

Ölkə.Az Hitlerin bir neçə əsərini sizlərə təqdim edir:

Hikmət
Ölkə.Az