Mixael Şumaxerin maşını satışa çıxarıldı
"Formula 1" pilotu Mixael Şumaxerin maşını satışa çıxarılıb.
Ölkə.Az xəbər verir ki, yeddiqat dünya çempionunun idarə etdiyi şəxsi maşını, Mercedes-Benz E55 AMG T Designo hərraca çıxarılacaq.
Oktyabrın 28-i Berlində " Riding with the King: Classic Car" adlı hərrac keçiriləcək. Hərracda məşhur idmançının idarə etdiyi, 1998-ci il istehsalı olan Mercedes markalı avtomobil də satışa çıxarılacaq. Avtomobilə 100 min avro qiymət təyin edilib.
Hərracda bundan başqa Elvis Preslinin idarə etdiyi, 1977-ci il istehsalı "Triumph TR 6" markalı maşın da 600 min avroya təklif ediləcək.
Xatırladaq ki, dünya çempionu Şumaxer 2013-cü ilin dekabr ayında Fransa dağlarında xizək sürərkən qəzaya uğrayıb və ciddi kəllə-beyin travması alıb. Onun vəziyyəti 2014-cü ilin sentyabrından yaxşılaşmağa doğru gedir.
Hikmət
Ölkə.Az