Saç tökülməsinin qarşısını almaq üçün

Bu gün insanların əksəriyyəti saç tökülməsindən əziyyət çəkir. Müxtəlif müalicələr, müxtəlif dərman preparatları və müxtəlif üsullardan istifadə edilir. Əgər saçlarınızın gur və sağlam olmağını istəyirsinizsə, bu üsullardan evdə rahatlıqla istifadə edə bilərsiniz.

Ölkə.Az hər bir insan üçün evdə asanlıqla istifadə edə biləcəyi üsulları təqdim edir:

Alma sirkəsi və ya düyü sirkəsi

Sirkə əsasən də yağlı saçların tökülməsinin qarşısını alan vasitədir. Eyni zamanda saç köklərində qan dövranına da müsbət təsir göstərir. Barmağınızı suya qarışdırılmış sirkə ilə isladıb saç dibini masaj edin. 10 dəqiqə sonra isə ilıq su ilə yaxalayın.

Yerkökü və hind qozu südü

Yerkökü suyunu və hind qozunun südünü qarışdırın və saçınıza sürtün. Saçınızın sağlam və güclü qalmasına kömək edəcək.

Çuğundur

İki ədəd çuğunduru 10 dəqiqə qaynadın. Suyu soyudun və başınızın dərinizə sürtün. Həftədə iki-üç dəfə bu üsuldan istifadə edin.

Soğan, sarımsaq və limon

Təzə sıxılmış soğan və ya samırsaq suyunu başınızın dərisinə sürtün. 20 dəqiqədən sonra qoxunu aradan götürmək üçün limon suyu ilə yaxalayın.

Aloe vera

Aloya yarpağından alınan məhlulu bir kasa suya əlavə edin. Bir müddət sonra bu məhlulu saçınızın dərinizə sürtün və masaj edin. 10 dəqiqə sonra isə ilıq su ilə yaxalayın.