Yaddaşı yaxşılaşdıran və möhkəmləndirən

Fikrinizi toplaya bilmirsiz? Övladınızın təhsillə bağlı problemi var? Yaddaşınızdan şikayət edirsiz?

Ölkə.Az bu problemdən qurtulmaq üçün aşağıdakı qidaları qəbul etməyi məsləhət görür.

1. Qoz

Qozun tərkibində zülal, Omeqa-3 turşusu və foli turşusu kimi çoxsaylı vitaminlər var. Bu vitaminlər serotinin səviyyəsini artırır və depressiya ilə mübarizəyə kömək edir. Bundan başqa, qozun tərkibində beyin üçün ən vacib olan E vitamini var. Tədqiqatlar göstərir ki, E vitamini yaddaşı möhkəmləndirir və beyin hüceyrələrinin məhvinin qarşısını alır.

2. Balıq

Tərkibində doymamış yağ turşuları olan balıq əti çox faydalıdır. Qızıl balıq, seled, skumbriya, tuna, moyva kimi balıqlar bu siyahıya daxildir. Balığın tərkibində olan omeqa-3 maddəsi beyin hüceyrələri üçün vacibdir və hüceyrələrə oksigen daxil olmasına kömək edir. Bundan başqa, balıq ətinin tərkibində yod, maqnium, fosfor və sink var. Bu isə beyin fəaliyyətinə kömək edir. Tədqiqatlar sübut edir ki, gündə 100 qram yağlı balıq qəbulu yaddaşı yaxşılaşdırır və Alsqeymer xəstəliyinə mübtəla olma riskini azaldır.

3. Yumurta

Yumurta keyfiyyətli zülal mənbəyidir. Bundan başqa onun tərkibində yağlar, vitaminlər və xolin maddəsi var. Bu isə neyronların hüceyrələr arasında sinir impulsu ötürmə qabiliyyətini yaxşılaşdırır.

4. Qaragilə

Tərkibində yüksək miqdarda antioksidant, polifenol və iltihab əleyhinə maddələr var. Qaragilənin kimyəvi tərkibi qan təzyiqini normallaşdırır, qan damarı divarlarını elastik edir, koordinasiyanı, görmə qabiliyyətini və beyin fəaliyyətini yaxşılaşdırır. Bundan başqa qaragilənin tərkibində C, PP, B1, B6, kalium, kalsium və maqnium var. Qaragilə beyində qlükozanın miqdarına təsir edir.

5. Alma

İlin hər fəslində alma yemək mümkündür. Alma qan damarı divarlarına müsbət təsir edir, beyinə gedən qan damarlarının elastikliyini yaxşılaşdırır və onların tutulmasının qarşısını alır. Müntəzəm olaraq alma yemək insult və beyin qansızması riskini azaldır.

6. Kakao

Kakaonun tərkibində flavanol antioksidantı var. Bu maddə beyin qan dövranını yaxşılaşdırır və onu skleroz və Alsqeymer xəstəliyi ilə nəticələnən oksidləşdirici proseslərdən qoruyur. Bundan başqa, isti şokoladın tərkibində anandamid maddəsi var. Anandamid və dofamin xoşbəxtlik hormonu ifraz edir və insana xoş əhval-ruhiyyə bəxş edir.

7. Yaşıl çay

Yaşıl çayın tərkibində kofeinin miqdarı azdır. Buna görə də orqanizmin sağlamlığına müsbət təsir göstərir. Bundan başqa, yaşıl çay spirtli içki qəbulundan sonra qara ciyərə müsbət təsir göstərir.

8. Sarımsaq

Sarımsağın tərkibində olan faydalı maddələr beyin fəaliyyətini aktivləşdirir. Sistemli olaraq sarımsaq qəbul etmək zehni fəaliyyətdə yaş dəyişikliyinin qarşısını alır.

9. Yaşıl rəngli tərəvəz və göyərti

Kahı, gül kələm, cəfəri, brüssel kələmi, keşniş, şüyüd və s. Bu tərəvəz və göyərtilərin tərkibində faydalı turşular və vitamin kompleksindən savayı, yüksək miqdarda dəmir, foli turşusu, E, C və K vitaminləri var.

10. Zeytun yağı