Yeni avtomobil görənləri heyrətə gətirdi

Cenevrə avtomobil sərgisində təqdim edilmiş Rimac Concept_S avtomobili bir çoxlarının heyrətinə səbəb olmuşdu.

Ölkə.Az xəbər verir ki, bir neçə ay əvvəl baş tutmuş sərgi zamanı "Rimac" şirkəti yeni modelin texniki xarakteristikası haqda məlumat verməsə də, bu yaxınlarda bu barədə bilgilər paylaşılıb.

Concept_One modelinə uyğun olaraq hazırlanan yeni modelin aerodinamikası yaxşılaşdırılıb. Yeni ön splitter, geniş cinah qanadlar, aqressiv diffuzor və enli arxa qanad yeniliklərdən sayılır. Bu yeniliklər hesabına sıxılma qüvvəsi 34% artırılıb.

Salon alkantardan hazırlanıb və bir çox detallarda karbondan istifadə edilib. Kapotun altına yerləşdirilən 4 elektrik mühərriki 1384 at gücü hasil edir. 100 km/saat sürəti 2.5 saniyəyə əldə edən avtomobilin maksimal sürəti 265 km/saat-la məhdudlaşdırılıb. Concept_S avtomobili 200 km/saat sürəti cəmi 5.6 saniyəyə əldə edir.

Hikmət
Ölkə.Az