Stalinin fərmanı aktyor Puqovkini xilas edib

Sovet filminin həvəskarlarına aktyor Mixail İvanoviç Puqovkin yaxşı tanışdır. SSRİ xalq artisti olan Puqovkin kino və teatrda bir çox rolların müəllifidir. Amma çox az adam bilir ki, Böyük Vətən Müharibəsi illərində aktyor əlil qala bilərdi.

Ölkə.Az bir çoxlarının bilmədiyi faktı təqdim edir.

1941-ci ilin iyun ayının sonlarında İvanoviç könüllü olaraq cəbhəyə yollanır. Ordu sıralarına qoşulan gənc faşistlərlə qanlı mübarizə gedən Elnyüyə yollanır. Çətin döyüşlərdən möcüzə nəticəsində sağ qalan Mixail 1941-ci ildə 1147-ci atıcı kəşfiyyat alayına göndərilir. 1942-ci ildə Voroşilovqrad uğrunda gedən döyüşlərin birində ağır yaralanır. Onun ayağında qanqren başlamışdı. Həkimlər onun həyatını xilas etmək üçün ayağı amputasiya etmək istəyirlər və Mixail buna razılıq verir.Amma bir neçə gün əvvəl baş vermiş hadisə gənc aktyorun həyatını xilas edir.

Belə ki, Stalin bir neçə gün əvvəl amputasiya məsələsinə görə həkimləri ciddi surətdə cəzalandırmışdı. O, qərar vermişdi ki, əsgərləri əlil etmək yox, müalicə etmək lazımdır. Bu səbəbdən Puqovkinin ayağı kəsilmir və müalicə üçün evə göndərilir. O, bir daha cəbhəyə qayıtmır. 1942-cü ildən teatr sənəti ilə məşğul olmağa başlayır.

Hikmət
Ölkə.Az