"Əfqan qızı"ndan xəbər var

1984-cü ildə Stiv Makkerri tərəfindən fotosu çəkilən və "National Geographic" jurnalının üz qapağını bəzəyən Şerbet Gula dünyada "Əfqan qızı" kimi tanınmışdı.

Ölkə.Az xəbər verir ki, fotosu çəkiləndə 12 yaşı olan qızcığaz SSRİ və Əfqanıstan arasında gedən müharibə səbəbi ilə yetim qalmışdı.

Məşhur foto çəkildikdən sonra uzun illər Gulanın kim olduğunu heç kəs bilmirdi. 2002-ci ildə fotoqraf Makkerri və "National Geographic" qrupu Əfqanıstana getdi. Əfqanıstanın ucqar bölgəsində axtarışlardan sonra "Əfqan qızı"nı tapdılar. İllər sonra tapılan Gula yenə də jurnalın üz qapağının qonağı olmuşdu.

Bu yaxınlarda isə 44 yaşlı Gula saxta pasport ilə Pakistana keçmək istədiyi üçün həbs edilmişdi. Həbsdən bir neçə gün sonra Gula azadlığa buraxılıb.

Saxta pasport əldə etdiyi üçün Pakistan təhlükəsizlik xidməti tərəfindən həbs edilən Gula 14 illik həbs cəzasına məhkum edildi. Amma Pakistanın daxili işlər nazirliyi bu məsələyə biganə qalmadı. Nazir Çaudhri Nisar Əli Xan "Düşünürəm ki, Gula həm qadın olduğu üçün, həm də humanizm səbəbindən bu məsələ yenidən incələnməlidir" dedi. Nazirin sözlərinə görə, bu məsələdə əsas günahkar tərəf saxta sənəd hazırlayanlardır. Bu səbəbdən Gula üçün girov müəyyənləşdirilib və "Əfqan qızı" azadlığına qovuşub.