Ən nazik smartfon burda yaradılacaq

Çində ən nazik smartfon istehsal olunacaq.

Ölkə.Az xəbər verir ki, VVK şirkəti Vivo adlı "xətkeş" smartfonun təqdimatını keçirməyə hazırlaşır. Yeni smartfonun qalınlığı cəmi 3,8 millimetr təşkil edəcək. Bu göstərici dünya üzrə rekord hesab olunur.

Məlumat üçün bildirək ki, Vivonun qalınlığı Apple İphone 6-nln qalınlığından ikiqat azdır. Apple İphone 6-nın müvafiq göstəricisi 6,9 millimetrdir.

VVK şirkəti yeni ağıllı telefonun digər texniki göstəriciləri barədə geniş məlumat verməyə tələsmir. Vivonun hansı tarixdə təqdim olunacağı dəqiq bilinmir. Bundan əlavə, smartfonun batareyası barədə məlumat da sirr olaraq saxlanılır.

Xatırladaq ki, hal-hazırda dünyanın ən nazik smartfonu Gionee Elife S5.1 hesab olunur. Bu cihazın qalınlığı cəmi 5.2 millimetrdir.

Rəşid Mustafazadə

Ölkə.Az