63 yaşlı kişi ayını karate fəndləri ilə döydü

Bu yaxınlarda Yaponiyada maraqlı hadisə baş verib

Ölkə.Az xəbər verir ki, 63 yaşlı karate ustasına balıq ovu zamanı ayı hücum edib. Yaşlı kişi ayını döyərək qovsa da, vəhşi heyvan onu yaralayıb.

Atsuşi Aoki Naqonaxara şəhəri yaxınlığında balıq ovu zamanı qara ayının hücumuna məruz qalıb. Üstündə silah olmayan balıqçı karate fəndlərini işə salıb. Dağ çayının sahilində ov edən Atsuşiyə hücum edən ayı onu yerə yıxıb və ayağını yaralayıb. Amma qoca balıqçı qaçmağa cəhd göstərməyib, döyüşə hazır olub və ayının gözünə fəndlə zərbə endirib. Bundan qorxan ayı qaçıb və meşədə gizlənib.

Atsuşi ayaq, əl və baş nahiyəsindən yara alsa da, avtomobilinə əyləşib yaxınlıqdakı xəstəxanaya müraciət edib.

Hikmət
Ölkə.Az