Alimlər Çingizxanın əsas sirrini açdılar

Koreya və Monqolustandan olan bir qrup alim Çingizxanın ən böyük sirrini açıblar.

Uzun müddətdir Çingizilər nəslinin davamçılarının qəbirlərində aparılan tədqiqatlar öz nəticəsini verib. Nəticələrə görə, Moğol imperiyasının qurucusu avropoidlərə aid qaploqrupa aid imiş.

Alimlər tərəfindən Monqolustan ərazisində yerləşən Tavan Tolqoy sərdabəsindəki insan sümükləri üzərinə DNK analizi aparılıb. Nəticələrə görə, bu insanların kəllə sümüyü monqoloid cizgiləri daşısa da, onların ulu babaları avropoid qaploqrupuna aid imiş. Yeni tədqiqat Moğol imperiyasının banisi sayılan Çingizxanın Asiya qaploqrupuna aid olduğu fikri ilə tərs mütənasiblik yaradır.

Tavan Tolqa sərdabəsində 4 kişi, 3 qadın skeleti tapılıb. Artıq onlardan 5-nin hansı qaploqrupa aid olduğu müəyyənləşdirilib.

Bundan öncə aparılan analizlərdə Tavan Tolqa qəbirlərində Çingizxan klanına aid insanların dəfn edildiyi məlum olmuşdu. Tapılan qızıl əşyalar içində qızıl qartal fiquru da bu fikri təsdiqləyir. Qəbirlərin analizi isə onların 1130-1250-ci illərə aid olduğunu müəyyən edib.

Hikmət
Ölkə.Az