Danimarkanın 2000 illik bataqlıq cəsədləri

Danimarka dünyanın ən çox bataqlıq və bataqlıq cəsədi olan ölkəsidir. Buradakı insan cəsədləri bataqlıq yosunlarının ifraz ediyi asit turşuları sayəsində 2000 ildir ki çürümür.

Ölkə.Az xəbər verir ki, muzeydə sərgilənən cəsədlərin böyük əksəriyyəti Danimarkada bataqlıq kömürünün istifadə edildiyi 1800-1960-cı illər arasında tapılıb.

Qadınlara və kişilərə aid cəsədlər üzərində aparılan tədqiqatlar bir çoxunun boğazı kəsilərək qətlə yetirildiyini üzə çıxarıb.

Danimarkada dəmir dövründə yazı kəşf edilmədiyi üçün o dövrə aid məlumatlar Roma və Yunan yazılarından öyrənilir. Bu insanların hansı səbəbdən qətlə yetirilməsi barədə heç bir məlumat yoxdur. Məlum olan odur ki, o dövrdə cəsədləri yandırırdılar. Bu bataqlıq cəsədləri isə yandırılmayıb.

Tapılan cəsədlər Danimarkanın Aarhus şəhərində "Moesgaard" muzeyində saxlanılır və dəmir dövrünə aid Avropanın ən yaxşı muzeylərindən biri sayılır.

Muzeydə saxlanılan və boğazı kəsilərək öldürülən Grauballe adamı muzeyin ən çox maraq cəlb edən eksponatlarındandır.

Tollund adamı adlandırılan bataqlıq cəsədi boynundakı iplə boğularaq öldürülüb. 2400 il əvvələ aid bu cəsədin üzü bütün xüsusiyyətlərini qoruyub saxlayır. Cəsəd 1950-ci illərdə tapılıb və muzeydə bu günə qədər eksponat kimi nümayiş etdirilir.

Muzeyi ziyarət edənlərin diqqətini cəlb edən eksponatlardan biri də Harald Bataqlığı qadını adı verilən qadın cəsədidir. 1835-ci ildə tapılan qadın cəsədi iddiaya görə 10-cu əsrdə yaşamış Vikinq kraliçası Gunhildə aiddir. Əfsanəyə görə kraliça əri Harald Blutuz tərəfindən boğularaq qətlə yetirilib.