Taylandda Kral Bhumibola hörmət üçün "Ağ Fil" mərasimi

Taylandın paytaxtı Banqkok şəhərində Kral Bhumibol Adulyadej üçün təşkil edilən mərasimdə fillər də iştirak edib.

Ölkə.Az xəbər verir ki, ölkədə ağ fil müqəddəs sayıldığı üçün tədbirə qatılan fillər pudralanıb.

Keçmiş paytaxt Ayuthayadan Banqkoka gətirilən fillər minlərlə insanın bir dəqiqəlik sayğı duruşu zamanı Böyük Sarayın qarşısında kralın qarşısında diz çöküblər.

Cənubi və cənubi-qərb Asiyada sülh, sabitlik və zənginlik simvolu olan, nəsli tükənməkdə olan ağ fillər Myanmar, Tayland və Laos kimi ölkələrdə krallığın simvolu kimi qəbul edilir.

Myanmar və Tayland 16-cı əsrdə dörd ağ filə görə müharibə də ediblər. Ağ fillər Taylandda ənənəyə uyğun olaraq krala məxsusdur.

Qeyd edək ki, 70 ildir Tayland taxtında əyləşən kral Bhumibol Adulyadej bu yaxınlarda 88 yaşında vəfat etmişdi. Baş nazir bu səbəbdən ölkədə hökumət nümayəndələri üçün 1 illik yas elan etmişdi.

Onun yerinə taxta 64 yaşlı yeganə varisi sayılan oğlu Maha Vajiralonqkorn keçəcək.

Hikmət
Ölkə.Az