Atatürkün tabutunu daşıyan 86 yaşlı əsgər
Atatürkün cənazəsini Ulusdan "Anıtkabir"ə qədər daşıyan əsgərlərdən biri olan 86 yaşlı Mustafa Akkiraz xəstə yatağında da Atatürk üçün yas tutdu.
Mustafa Kamal Paşanın cənazəsi 1953-cü ildə Ankara Etnoqrafiya muzeyindəki müvəqqəti qəbirdən çıxarılaraq "Anıtkabir"ə daşındı. Tabutu daşıyan əsgərlərdən biri də Ordu vilayətinin Fatsa rayonunda yaşayan 86 yaşlı Mustafa Akkiraz olub.
Akkiraz İstanbulun Heybeliada səmtində hərbi xidmətdə olduğu dövrdə 3 əsgər yoldaşı ilə birlikdə Atatürkün cənazəsini daşımaqla vəzifələndirilib. Boyları hündür olduğu üçün seçilən əsgərlər Ankaraya yola düşüblər.
Uzun illər sonra televizorda Ataürkə həsr edilmiş bir verilişə baxan Akkiraz mərasim fotoları arasında öz rəsmini görüb. Fotodan çox təsirlənən keçmiş əsgər o illəri yadına salıb. Göz yaşları içində Atatürkün ruhuna rəhmət oxuyub və Kamal Paşanı hörmətlə yad edib.
Hikmət
Ölkə.Az
