Polis işdən evə qayıdarkən yoldan 120 min dollar tapdı

Kaliforniyadan olan polis işdən evə qayıdarkən yoldan 120 min dollar tapıb. 

Adının açıqlanmasını istəməyən qadın Konkord şəhərindən keçərkən boş yolda üzərində təkər izləri olan iki böyük çanta görüb. Onlarda nə olduğunu öyrənmək üçün dayanarkən polis içərisi 100 dollarlıq əsginaslarla dolu paketlər aşkar edib.

Çantanı açarkən “bunu nhəqiqət olduğuna inana bilməyib”. Lakin 20 illik iş təcrübəsinə malik olan asayiş keşikçisi bu pulları hara verməyin lazım olduğunu dərhal anlayıb.

Onun sözlərinə görə, bu hadisə onun uşaqlarına düzgünlüyü öyrədəcək: "Həmin anda küçədə heç kim yox idi, hətta heç kim bu barədə bilməyəcəkdi. Amma insanın bütövlüyünü heç kimin baxmadığı vaxt sizin nə etdiyiniz müəyyən edir".
Polis artıq pulları öz sahibinə qaytarsa da, onların nə üçün küçəyə atıldığını araşdırır.
Polis qadın isə dürüstlüyünə görə mükafatlandırılıb.(Trend)

Ölkə.Az