Balqabaq haqqında bilmədikləriniz

Əbəs yerə çoxumuz balqabağı lazımı qədər qiymətləndirmirik. Onun təkcə günəş rəngi bizim əhval-ruhiyyəmizi qaldıra bilər. Məsələn, buna görə balqabaqla bayram təəssüratı yaranır. İngilisdilli xalqların "Halloween" bayramını keçirməsi təsadüfi deyil.

Hamıya məlumdur ki, balqabağı "tanrıların qidası" adlandırırlar. Aşpazlar üçün isə balqabaq bir tapıntıdır. Onu xammal şəklində istifadə etmək olar və bu tərəvəzdən blinçik, şorba bişirmək, qaynatmaq, qızartmaq, onunla desertlər, piroqlar, cemlər, mürəbbələr, salatlar və s. düzəltmək mümkündür. Balqabaq şirəsi orqanizmin sağlamlığı üçün çox böyük rol oynayır. Bu haqda Ölkə.Az olaraq daha ətraflı bəhs edəcəyik.

Balqabaq A, B, C, E vitaminləri və həmçinin qanın laxtalanmasının asılı olduğu K vitamini ilə zəngindir. Bundan əlavə, balqabağda insan bədənində bütün metabolik prosesləri yaxşılaşdıran, ağır yeməyin həzminə kömək edən və piylənmənin qarşısını alan T vitamini var. Buna görə sağlamlığının qayğısına qalan hər kəsin balqabaqdan tez-tez istifadə etməsi lazımdır. Balqabağın tərkibində hətta dəmir var. Onu pəhriz məhsulu da adlandırırlar, çünki arıqlamağa effektiv şəkildə kömək edir.

Balqabaq liflə zəngin olduğuna görə mədə-bağırsaq traktının normallaşmasına təsir göstərir. Həmçinin, qəbz problemləri olan insanlar üçün balqabaq əvəzsizdir və çox yaxşı təsir göstərir. Eyni zamanda, balqabaq qaraciyər və öd kisəsi üçün çox faydalıdır. Təbii anti-dərman kimi bu tərəvəz hamilə qadınların toksikozuna kömək eləyir. Bədən və artıq xolesterol toksinlərin aradan qaldırılmasına yardım edir. Onu da bildirək ki, insan orqanizmi balqabağı tez həzm edir. Balqabağın tərkibində çoxlu kerotin olduğu üçün gözlər üçün də çox faydalıdır. Bu tərəvəz qanda şəkəri azaltmağa kömək edir. Onun toxumları qurdlara qarşı olan xassələri ilə daha çox məşhurdur.

Qeyd edək ki, balqabaq gözəlliyin qorunması üçün faydalıdır. Hətta kosmetologiyada balqabaqdan geniş istifadə olunur.

Rəşid Mustafazadə

Ölkə.Az