İnsanlar Marsda hansı evlərdə yaşayacaq?

İnsanların Marsda yaşamaq və koloniyalar qurmaq barədə planları son vaxtlar gündəmi zəbt edib. Görəsən Marsa köçdükdən sonra orada hansı evlərdə yaşayacağıq?

Ölkə.Az xəbər verir ki, "National Geographic" Londonda təşkil edilən sərgidə insanların Marsda yaşayacağı evin konseptini təqdim edib.

Təqdim edilən konsept adi daşdan tikilib və sadə evə bənzəyir. Layihə yüksək texnoloji üstünlüklərə sahib olsa da, evin xarici görünüşü tamaşaçıları bir az məyus edib.

Amma layihəni təqdim edən "National Geographic" bildirib ki, təhlükəsizlik səbəbindən ev kiçik ölçülüdür və ilk mərhələdə Mars planetinə zərər verməyəcək tərzdə nəzərdə tutulub. Bütün əşyaları içində olan evi qısa müddətə avtomobilə çevirmək mümkündür.

Hikmət
Ölkə.Az