Bank “Lakşmi” adlı robotu işə götürdü
Hindistanın “City Union” bankı “Lakşmi” adlı robotu işə götürüb.
Ölkə.Az AzərTaC-a istinadla xəbər verir ki, xüsusi hazırlıq keçən robot müştərilərin 125 müxtəlif mövzuda suallarını cavablandırmağı bacarır. Süni intellektli robot bankın filialında tətbiq olunub. Bir sıra fiziki jestlərə malik olan “Lakşmi” müştərilərin sorğularına ingilis dilində cavab verir.
Robot həmçinin fərdi xidmətlərin göstərilməsi üçün back-end sisteminə qoşulacaq. Bank gələcəkdə daha 30 filialında bu cür robotları yerləşdirməyi planlaşdırır.
