Orxan Fikrətoğlu "Tək"ləndi

Tanınmış yazıçı, teleaparıcı Orxan Fikrətoğlunun "Tək" adlı romanını sizə təqdim edirik.

Orxan Fikrətoğlu Ölkə.Az-a açıqlamasında bildirib ki, bu romanda gənclərə böyük mesajlar verib:

"Sırf bu romanda gənclərə xüsusi mesajlar verilib. Mən çox istəyərəm ki, bugünkü Azərbaycan gəncliyi atdığı addımların məsuliyyətini dərk etsin. Çünki onlar Azərbaycan dövlətinin gələcəyini çiyinlərində daşıyır. Onların mühüm missiyası var. Kitabda hər şeyi ətraflı qeyd etmişəm. Kompazisiyasından tutmuş, sujet xəttinə kimi hər şeyi. Kitabın adı ona görə "Tək"dir ki, bu qəhrəman təkdir. Biz dövlət olaraq da bu dünyada təkik. Taleyimiz belədir. Qarabağ savaşları zamanı tək qalmış bir insanın dünya ilə çarpışmasından bəhs edir. Qəhrəmanımız həm də tək gözdür. Fiziki qüsuru var. Çox danışmaq istəmirəm kitab barədə. Ətraflı şəkildə sizin sayt vasitəsilə buyurub oxuya bilərlər".

Orxan Fikrətoğlunun “Tək” romanı Qarabağ müharibəsindən sonrakı dövrdə insanların yaşadığı mənəvi boşluğu, mənəvi böhranı oxucuya çatdırması baxımından hesablanmış bir əsərdir.

"Tək" kitabını BURADAN oxuya bilərsiniz.