Orqanizmi dərmandan yaxşı təmizləyən

Elə qidalar var ki, onların qəbulu orqanizmi istənilən dərmandan da yaxşı təmizləyir.

Ölkə.Az bu qidaların siyahısını təqdim edir.

1. Qırmızı çuğundur

Orqanizmin təmizlənməsində nömrə 1 sayılır. Tərkibində sellüloz, fosfor, dəmir, C vitamini, bir sıra orqanik turşular var. Bu maddələr həzm prosesini yaxşılaşdırır, mədə-bağırsaq sistemindəki bakteriyaları məhv edir. Çuğundurun tərkibində olan betain maddəsi qara ciyərə toksinlərdən azad olmağa kömək edir. Foli turşusu isə orqanizmin cavanlaşmağına yardımçı olur. Foli turşusu yeni hüceyrələr yaradır, kvars isə dəri, saç və dırnaqları yaxşılaşdırır.

Necə qəbul etməli: qaynadılmış formada, borş, salatın tərkibində, şirəsini çəkmək

2. Kələm

Tərkibində çoxsaylı qida lifləri var. Bu liflər mədəyə yığılan ağır metal və toksinləri toplayaraq ifraz edir. Kələmin tərkibi orqanik turşularla zəngindir. Bu turşular həzm prosesini yaxşılaşdırır, həzm orqanlarının mikroflorasını normallaşdırır. Eyni zamanda U vitamini təhlükəli kimyəvi maddələrdən təmizləyir, vitamin sintezində iştirak edir, mədə xoralarını sağaldır.

Necə qəbul etməli: təzə, qaynadılmış və şirəsi çəkilmiş formada

3. Sarımsaq

Bir diş sarımsağın tərkibində 400-dən çox faydalı komponent var. Bu komponentlər qanın tərkibində pis xarakterli xolesterini azaldır, damarları təmizləyir, beyin xərçəngi yaradan hüceyrələri məhv edir. Eyni zamanda vərəm çöpləri, difteriya və xelikobakteri (mədə yarası yaradan bakteriyalar) məhv edir. Sarımsaq qurda qarşı da təsirli vasitədir.

Necə qəbul etməli: təzə formada, əzib

4. Baş soğan

Soğanın tərkibindəki efir yağları fitonsidlə zəngindir. Bu maddələr bir neçə saniyə ərzində bir çox bakteriya və göbələyi öldürə bilər. Bundan başqa, soğan həzm prosesini yaxşılaşdırır, iştahı artırır. Soğanın tərkibində olan çoxsaylı kükürd isə ziyanlı hər şeyi məhv etməyə kömək edir.

Necə qəbul etməli: çiy, salatda və məhlul formasında

5. Alma

Tərkibində olan pektin və sellüloz bütün həzm sisteminin fəaliyyətini yaxşılaşdırır, şlakları təmizləyir, toksinləri azaldır, iştahı artırır, mədə şirəsi ifrazını qüvvətləndirir, ishalın qarşısını alır.

Necə qəbul etməli: qabığı ilə çiy formada, şirəsini çəkmək və qaynatmaq

6. Avokado

Təəssüf ki, bu cənub meyvəsinin faydası ölkəmizdə çox da bilinmir. Avokadonun tərkibində olan qlyutation maddəsi 40-a yaxın müxtəlif kanserogeni məhv edir. Qanın tərkibində xolesterinin miqdarını normallaşdırır, həzm prosesini yaxşılaşdırır, dərini oksigenlə təmin edir.

Necə qəbul etməli: çiy və qurudulmuş formada

7. Quşüzümü

Virus əleyhinə ən güclü təbii antibiotikdir. Sidik kisəsini və sidik kanalını zərərli bakteriyalardan təmizləyir. Quşüzümü damarlara yığılan tromblara, xərçəng hüceyrələrinə qarşı mübarizə aparır.

Necə qəbul etməli: çiy, şəkərlənmiş, mürəbbə və şirəsi

Hikmət
Ölkə.Az