Dünyada hələ də üstü açılmamış və sirrini qoruyan cinayətlər
Dünya tarixində bədii filmlərə mövzu olan, tükləri ürpərdən, insanı dəhşətə salan cinayətlər var. Bəzi cinayətlər üstündən yüz il keçsə də unudulmur. Elə cinayətlər də var ki, hələ də üstü açılmayıb və sirrini qoruyur.
Ölkə.Az üstündən sirr pərdəsi qalxmayan cinayətləri oxucuları ilə bölüşür:
Conbenet Ramsey cinayəti
1990-cı ildə 6 yaşlı qız uşağı Conbenet Ramseyin cəsədi ABŞ-ın Kolorado ştatında ailəsinin qaldığı evin zirzəmisində tapıldı. Ramsey cinayəti istintaqı uzun müddət davam etdi. Bu prosses mətbuatın da böyük marağına səbəb olmuşdu. Bir çox məhkəmə iclası keçirilsə də, cinayətin üstü açılmadı.
2003-cü ildə Ramseyin alt paltarından DNK testi edildi. DNK nəticələri FTB-yə göndərilsə də, hələ də nəticə əldə edilməyib.
Oskar Romero
1960-1970-ci illərdə Salvadorda katolik kilsə rahibi Oskar Romero ölkədəki insan haqlarının pozulduğunu tənqid edərək böyük reaksiyaya səbəb olmuşdu. Nəticədə Salvadorda baş verən uzunmüddətli vətəndaş müharibəsində həlak oldu. Hakimiyyəti və ABŞ-ın hərbi dəstəyini tənqid etdikdən sonra rahib olduğu bir kilsənin yaxınlarında öldürülüb. Cinayətdə Amerikada təhsil almış iki Salvador vətəndaşından şübhələnilsə də, cinayət işi başa çatdırıla bilmədi. Bu cinayətin kim tərəfindən işləndiyi hələ də naməlumdur.
Olof Palme
1982-1986-cı illər arasında İsveçin baş naziri olmuş Palme təmsil etdiyi dövlətdə bütün nüvə stansiyalarının bağlanmasında iştirak edib. 1982-ci ildə baş nazir seçildikdən sonra sosial iqtisadi siyasət tətbiq etdi. Avropanın təhlükəsizlik siyasətinə aid sərt çıxışları ilə yadda qaldı. Həyat yoldaşı ilə getdiyi kinoteatrdan qayıdanda öldürülüb. Həm qatilin şəxsiyyəti, həm də cinayətin səbəbi bu günə qədər müəmma olaraq qalıb.
Yeni Orlean baltaçısı
1918-ci ildə kiçik dükanı olan italiyalı Cozef Maggio arvadı ilə yatdığı yerdə doğranaraq qətlə yetirildi. İstintaq zamanı polis qatilin istifadə etdiyi qanlı baltanı tapdı. Cinayətkarın evdə heç bir əşyaya toxunmaması polis əməkdaşlarını təəccübləndirib. Qatil təbaşirlə cinayətə dair imza atmışdı.
Hadisədən bir ay sonra eyni cinayət təkrarən törədildi. Başqa bir baqqal Anni Bossamer yatdığı yerdə balta ilə öldürüldü. Baltaçı tərəfindən 8 cinayət törədildiyi təxmin edilir. Şübhəli qismində dindirilən Cozef Mamfreyə qarşı ittiham irəli sürməyə kifayət qədər dəlil yox idi.
Cek cinayətləri
1988-ci ildə Cek 5 fahişəni qətlə yetirdi. O, qurbanlarını boğur, sonra isə boğazlarını kəsirdi. Bu caninin imzası idi. Cinayət zamanı polis və mətbuata müəmmalı məktublar göndərilmişdi. Məktublardan biri "Cəhənnəmdən" sözü ilə başlayırdı.
Tədqiqatçılar məktubların bir çoxunun saxta olduğunu iddia etdilər. Cekin şəxsiyyəti bu günə qədər də naməlum qalıb. Mütəxəssislər uzun illər istintaq aparsa da, bir nəticə əldə edə bilməyiblər.
Hikmət
Ölkə.Az
