Dünyanın ən sürətli sərnişin təyyarəsi
Gələn il dünyanın ən sürətli sərnişin təyyarəsi "Baby Boom"un sınaq uçuşları həyata keçiriləcək
Ölkə.Az xəbər verir ki, mühəndislər təyyarənin saatda 2.352 km məsafə qət edəcəyini bildirib. Layihə məşhur ingilis biznesmen Riçard Brenson tərəfindən dəstəklənir.
"The XB-1 Supersonic Demonstrator" markalı təyyarələr "Baby Boom" adlandırılıb və Brensonun sahibi olduğu "Virgin" şirkəti ilk sifarişçidir.
Qitələrarası səyahətlər üçün nəzərdə tutulmuş təyyarələr vaxta qənaət etməyə imkan yaradır. Məsələn, 9 saatlıq London-Nyu York reysi bu təyyarələrin köməyi ilə 3.5 saata başa gələcək.
"Virgin Group" 10 ədəd təyyarə sifariş edib. 55 nəfərlik sərnişin tutumu olan "Baby Boom"un qiyməti 200 milyon dollardır.
Verilən xəbərə görə, bu təyyarədə səyahət üçün biletin qiyməti 5 min dollar olacaq.
Hikmət
Ölkə.Az
