Bal haqda bilmədiklərimiz

100 qram bal toplamaq üçün arı 46 min km məsafə qət etməlidir. Bu, ekvatorun uzunluğudur.

Maraqlıdır ki, bal toplayıb geri qayıdan arı üçün nektar yanacaq funksiyasını daşıyır. Belə ki, uzaq məsafəyə uçan arılar topladığı nektarın cəmi 30%-ni pətəyə gətirir. Qalan hissəsini yolda ehtiyacı üçün istifadə edir.

Eşşək arıları da bal hazırlaya bilir. Cənibu Amerika hinduları ta qədimdən eşşək arısının balını toplayır və bal toplayan eşşək arılarının təsərrüfatını da qururlar.

Balın tərkibində olan fruktozanın miqdarı çoxdur. Fruktoza orqanizmdən spirti çıxarmaq üçün əla vasitədir. Əgər bayram axşamı və qonaqlıqdan sonra başağrı ilə yuxudan oyanmısınızsa, xumarlıqdan qurtulmaq üçün bal ilə çay için.

İsti temperatur balın keyfiyyətini aşağı salır. Bu səbəbdən balı çox isitmək olmaz. 50 dərəcədən yuxarı tempratur balın tərkibindəki bütün faydalı maddələri məhv edir.

Bal ayı termini qədim adətlərdən qaynaqlanır. O zaman tətbiq edilən adətə əsasən, yeni evlənənlər 1 ay müddətinə bal yeməli və bal içkilərindən istifadə etməli idilər.

Dünyanın ən bahalı balı Türkiyədədir. 1 kilosu 6800 dollar olan bal Artvin şəhərində, Sarıkayır vadisində, 1800 metr dərinlikdə istehsal edilir.

Bal eyni zamanda əla konservantdır. Makedoniyalı İskəndərin cənazəsini paytaxta gətirmək üçün bala batırmışdılar.

Bal heç vaxt xarab olmur.

Hikmət
Ölkə.Az