Facebookdan nə qədər insan istifadə edir?

Zukerberq dəqiq rəqəmləri təqdim edib

Ölkə.Az xəbər verir ki, Facebook-un təsisçisi Mark Zukerberq sosial şəbəkənin istifadəçilərinin dəqiq sayını açıqlayıb.

Zukerberq bildirib ki, gündəlik təxminən 703 milyon istifadəçi mobil telefondan Facebooka daxil olur. O, bu barədə öz rəsmi Facebook profilində məlumat verib. Markın yazdığı göstərici son ildə 39% artıb.

"Facebookdan ayda bir dəfə olmaqla 1,35 milyard insan istifadə edir. Son üç ayda isə Facebook-un auditoriyası 30 milyon artıb", - deyə, Mark yazıb.

Qeyd edək ki, Facebook istifadəçilərinin sayının artım tempi azalır. Belə ki, son üç rübdə sosial şəbəkəyə təqribən 40-50 milyon yeni istifadəçi qoşulub. Hər ay isə 1,12 milyard insan sosial şəbəkənin mobil xidmətlərindən istifadə edir. Bu göstərici ötən illə müqayisədə 33% yüksəkdir.

Rəşid Mustafazadə

Ölkə.Az