Bu cümlələr evliliyinizə son qoya bilər

Evlilikdə hər cümlə, hər addım önəmlidir

Ailə münasibətlərində tərəflərin özünə "Mən harada səhv edirəm, səhvim nə ola bilər?" deyə düşünməsini tövsiyə edən mütəxəssislər evliliyin təməlini darmadağın etməyə qadir cümlələri müəyyən ediblər. Ölkə.Az olaraq onlardan ən təhlükəliləri təqdim edirik:

- Sən həmişə beləsən, həmişə gecikirsən. Vaxtında gəlməz, hazırlaşmazsan!

- Çox danışırsan, səni artıq dinləmirəm. Bir də dinləməyi öyrən !

- Sən nə tip insansan, getdikcə dözülməz olursan. Anana bənzəməyə başladın artıq!
 Ailəniz artıq bizə gəlməsin, onlar gələndə sən dəyişirsən!

- Bu nə cür paltardır, sənə heç yaraşmır. Özünü 20 yaşındamı hiss edirsən?

- Bu uşaqdan adam olmayacaq, çünki sənə oxşayıb.

- Sən davamlı olaraq yalan söyləyirsən, həmişə eyni nağıllar. Əl çək artıq bu yalanlardan.

- Bunu əvvəl də eşitmişdim, hər şeyi təkrar edirsən, xarab val kimisən!

- Sən sevgidən nə anlayırsan axı? İnsanda bir az da ola düşüncə olar. Təəssüf edirəm səninlə keçən günlərimə.

 Əgər ailənizi sona qədər bütöv saxlamaq istəyirsinizsə, əsla bu ifadələri dilinizə salmayın.

Rəşid Mustafazadə

Ölkə.Az