"Kinder Sürpriz"dən dəhşətli sürpriz xəbəri

Rumıniyada Kinder Sürprizin istehsalında uşaqların əməyindən istifadə edildiyi üzə çıxdı.

Ölkə.Az xəbər verir ki, Rumıniyada Kinder Sürpriz şokoladlarının içinə oyuncaqları yerləşdirmək üçün 6-11 yaş arası uşaqların zəhmətindən istifadə edilir.

Bu barədə İngiltərənin nüfuzlu "The Sun" qəzeti araşdırma aparıb və həqiqətləri üzə çıxarıb.

Xəbərə görə, uşaqlar gündə 13 saat işləyir. Bir saat iş üçün cəmi 40 qəpik maaş alan uşaqlar şokoladların içinə oyuncaq yığırlar. Min yumurta üçün 7 manat pul ödənilir.

"Kinder" şirkətinin nümayəndəsi isə bildirib ki, əgər "Ferrero Rocher" şirkətinin rəhbərləri Rumıniyada baş verənlərdən xəbər tutsalar, infarkt keçirərlər.

Verilən məlumata görə, artıq İtaliya şirkəti geniş miqyaslı istintaqa başlayıb.

Hikmət
Ölkə.Az