Marsda böyük göl tapıldı

Marsda son tədqiqatlar nəticəsində çox böyük buzlu göl kəşf edilib.

Ölkə.Az xəbər verir ki, bu göl həcminə və ölçüsünə görə ABŞ-ın ən böyük gölü ilə eyni ölçüdədir. Van gölündən 100 dəfə böyük olan göl barədə məlumatı NASA paylaşıb.

Texas universiteti alimlərinin rəhbərliyi altında qurulan komanda NASA-dan alınan Mars orbit kəşfiyyat məlumatlarını incələyərək böyük bir buz yatağını kəşf ediblər.

Xəbərdə deyilir ki, Marsın Utopia Planitia bölgəsində 375 min kv.kilometrlik ərazidə böyük bir buz təbəqəsi tapılıb. NASA-nın Kaliforniyadakı laboratoriyasından bildirilib ki, buzlu sahənin uzunluğu 3.300 km-dir.

Alimlərin fikrinə görə, bu kəşf bəşəriyyət tarixi üçün çox vacibdir. Çünki bu göl gələcəkdə Marsa yerləşməyi planlaşdıran insanlar üçün su mənbəyi ola bilər.

Hikmət
Ölkə.Az