Evlənmək istəyənlər və evli cütlüklər mütləq oxusunlar

İnsan bir qərar alacaqsa necə deyərlər min ölçüb bir biçməlidir

Məsələn buna ən böyük misal evlilik qərarıdır. Anlıq hisslərlə qərar verdiyimiz zaman məyus oluruq və nəticədə bu evliliklər boşanmaya gətirib çıxardır. Əlbəttə ki, insanın sevdiyi biri ilə həyatını birləşdirməsi sevindirici haldır. Amma bəzi hallarda bu da evlilikləri sığortalamır.

Pisixoloqların fikrinə görə ailə həyatı qurduğun zaman sevgi düşündüyümüz qədər yetərli olmur. Məhz buna görə də, evlilik qərarı almazdan əvvəl hər iki tərəf də ilk öncə özünü, daha sonra isə bir-birini yaxşı tanımalıdır.

Adətən pisixoloqa müraciət edən evli cütlüklər biri digərinin dəyişməsini tələb edir. Halbuki, bu problemin qaynağı əvvələ dayanır - ilk tanış olma məqamına.

Bəs yaxşı, uğurlu evlilik və düzgün həyat yoldaşı seçimi necə olur?

Ölkə.Az xəbər verir ki, mütəxəssislərin fikrincə ilk öncə evlilik çağına gəldiyini düşünən insan bu qərarından əmin oldğunu bilməlidir. Daha sonra isə özünə bu sualı verməlidir: "Əgər biz ailə qursaq mən onunla bir evin içərisində dil tapa bilərəmmi?" Bir sözlə insan qorxduğu sualları özünə verib cavab tapmalıdır. Əks halda nəticə yaxşı olmur.

Bəs gələcək həyat yoldaşını necə tanıya bilərsən?

1. Onun keçmişinə bilmək, buna hörmət etməkdir.
2. Həmin insan keçmişdə necə bir iz buraxıb, dostları arasında necə tanınır?
3. Ünsiyyət zamanı hər iki tərəf bir-birilərinin dediklərinə, fikirlərinə diqqət yetirməli, müzakirə etməlidir. Çünki insan evlilik qərarı aldığı zaman emosional olur və iki tərəf də bir-birilərinin yaxşı xüsusiyyətlərini görür.

Ümumilikdə isə bütün bu gedişatı belə izah etmək olar. Qarşılıqlı hörmət və anlayış, sevgi, özünü tanımaq uğurlu evliliyə aparan yoldur.

Zümrüd
Ölkə.Az