Ölü torpağı cana gətirən: paxlalı bitkilər

BMT-nin kənd təsərrüfatı təşkilatı - FAO-nun rəhbəri Joze Qratsiano da Silva son mühazirəsində paxlalı bitkilər haqqında müsbət fikirlər söyləyib.

Ölkə.Az saytının məlumatına görə, o, qeyd edib ki, paxlalı bitkilər ekoloji vəziyyətə yaxşı uyğunlaşır və torpaqla gözəl ahəng təşkil edir. Bu bitkilər keyfiyyətli qida olmaqla yanaşı, torpağı da münbitləşdirir. Paxlalı bitkidən sonra taxıl əkilmiş sahədə məhsuldarlıq hər hektara 1.5 ton artır. Paxlalı bitkilərin il ərzində 1 hektar əraziyə verdiyi səmərə 100 kiloqramlıq azot gübrəsinə bərabərdir. Bu bitkilər torpaqdakı suyun təbii filtri hesab edilir və torpaqda sərbəst karbon birləşmələrini artırır.

Torpağı zənginləşdirən paxlalı bitkilərin bəşəriyyətə verdiyi xeyir ildə 10 milyard dollarlıq süni gübrə nisbətindədir.

Azər Qismət
Ölkə.Az