Nyutonun kitabı satıldı

İsaak Nyutonun kitabı hərracda 3.7 milyon dollara satılıb.

Ölkə.Az xəbər verir ki, Nyutonun "Natural fəlsəfənin riyazi başlanğıcı" kitabının ilk nəşri "Christies" hərracında 3.7 milyon dollara satılıb.

Kitab 1687-ci ildə nəşr edilib. Kitabda ümumdünya cazibə qanunu, bu gün Nyuton qanunları kimi tanınan 3 hərəkət qanunu yer alıb. Albert Eynşteyn vaxtilə bu kitabı bəşəriyyətin ali və intelektual uğuru adlandırmışdı.

Məlum olub ki, hərrac evi kitabın 1-1.5 milyon avroya satılacağına ümid edirdi. Amma naməlum alıcı kitabı əldə etmək üçün 3 milyon 719 min dillor ödəyib. Xatırladaq ki, bu günə qədər keçirilən heç bir hərracda bir kitaba bu qədər məbləğ ödənilməyib.

Hikmət
Ölkə.Az