Sevdiyiniz rəngə görə xasiyyətinizi müəyyən edin

İnsanları sevdikləri rəngə əsasən tanımaq olar

Ölkə.Az Rusiya mətbuatına istinadən xəbər verir ki, sevdiyiniz rəngin köməyi ilə xarakterinizi müəyyən edə bilərsiniz.

Qırmızı: Bu rəng uğur istəyi, həyatsevərlik hissi və cəsarətli, iradəli, ünsiyyətçil olmağın rəmzidir. Qırmızını sevənlər enerjili və çox səbirsiz olurlar. Belə adamlar təkəbbürlü və inadkardırlar. Buna baxmayaraq, "qırmızı" insanların yanında heç vaxt darıxmaq olmur.

Çəhrayı: Bu rəng romantika, təravət, zəriflik və incəliklə bağlıdır. Çəhrayı rəngə üstünlük verənlər ömür boyu xəyallar və möcüzələr dünyasında yaşayır, rahatlığı xoşlayırlar. Belə adamlar çox sakit və mülayim olur, lakin tez-tez söz verib yerinə yetirmirlər, çünki qurduqları planlar sadecə hülyalardır.

Narıncı: Bu qeyri-adi intuisiya və xəyallar qurmağa meyilli insanların rəngidir. Onlar diqqətdə olmağı, cəmyyətdə parlamağı sevirlər. Belə adamlar bacarıqlı və orijinal düşüncəli olurlar. Həmçinin, narıncı rəng dəyişkənlik və ikiüzlülük rəmzidir.

Sarı: Bu rəng günəş rəngidir. Sarını sevənlər optimist, sakit, insanlarla ünsiyyətdə isə mülayim və alicənab olurlar. Bu adamlar yaradıcı, zövqlü, gur təxəyyüla malikdir. Onlar çox ağıllı və savadlı olduqlarına görə, hər şeylə maraqlanırlar. "Sarılar" həm də çox etibarlı dostdurlar.

Yaşıl: Hamıya məlumdur ki, yaşıl rəng təbiət, yaz rəngidir. Bu rəngi sevənlər xeyirxah və səxavətli insanlardır. Onlar çox ağıllı olurlar və yeni ideyaları dərhal başa düşürlər. Digər tərəfdən, onlar qeybət etməyi sevirlər, bəziləri paxıl və inadkardırlar.

Göy: Bu rəngi seçənlər sakit olurlar. Göy rəng adətən insanın mənəvi yüksəlişi, onun təmizliyi ilə bağlıdır. Göy rəngə üstünlük verənlər insanlara tez inanı və etibar edirlər. Onlar böyük kolektivlərdə olmağı sevmirlər, lakin yaxın dostların arasında qalmağa üstünlük verirlər. "Göy" adamlar məsuliyyətli və səbirli olurlar.

Mavi: Bu rəng həssaslıq, sevgi, sədaqət rəmzidir. Belə adamlar çətin vəziyyətə düşəndə hər şeydən məyus olurlar. Mavi azadlıq sevənlərin rəngidir. Belə insanlar həyatı sevirlər, adətən uğurlu olurlar, tanınmağa çalışırlar. Onların həyatını çətinləşdirən tək qalmaq qorxusudur.

Ağ: Ağ rəng təmizlik rəmzidir və bu rəngi seçənlər adətən hər şeyə düzgünlüyü sevən, diqqətli, tənqidə meylli olurlar. Belə insanlar həyatda çox nadir hallarda səhvə yol verirlər.

Qara: Qara isə əslində rəng deyil, rəngin yoxluğudur. Bu rəngə üstünlük verən insanlar mübarizəyə həmişə hazır və ehtiraslı olurlar. Təəssüf ki, qaranı sevənlər həmişə vəziyyəti düzgün qiymətləndirə bilmirlər və buna görə çox əziyyət çəkirlər. Məqsəddən asılı olmayaraq, onlar həmişə dayanmadan irəli gedirlər. Belə insanlar özlərini bədbəxt hiss edən, pessimist olurlar.

Çinarə Vahabzadə

Ölkə.Az