Dünyanın ən yardımsevər ölkəsi hansıdır?

"Gallup" araşdırmalar şirkəti dünyanın ən yardımsevər beş ölkəsini müəyyənləşdirib

Ölkə.Az xəbər verir ki, Myanmar xalqı siyahıya liderlik edir.

140 ölkədən 145 min insan üzərində araşdırmalar aparılıb. Araşdırmaya əsasən, son dövrdə hansı xeyriyyə fonduna pul ödənişlərinin edilib-edilməməsi, könüllü xidmətin edilib-edilməməsi və ehtiyacı olan xarici vətəndaşa köməyin edilib-edilməməsi nəzərə alınıb.

Nəticələrə görə, 7.4 milyard dünya əhalisinin 1.4 milyard nəfəri hər ay xeyriyyə fondunun hesabına pul köçürür, 1 milyard insan könüllü çalışır və 2.2 milyard insan isə xaricilərə kömək edir.

Siyahı isə aşağıdakı kimidir.

1. Myanmar
Myanmar xalqının əksəriyyəti yardım etmək məsələsində bütün suallara "hə" cavabı verib. Myanmar sakinləri arasında güclü buddist yardımsevərlik ənənəsi və cömərdlik xüsusiyyətləri siyahıya liderlik etmələrinə vəsilə olub. Budda təlimlərinə əsasən, edilən hər bir yaxşılıq reinkarnasiya zamanı geri qayıdacaq və insanların daha yaxşı yaşamaları üçün vasitə olacaq.

Qida və pul yardımları əsasən rahiblərə və monastrlara edilir. Son dövrlər Myanmarda uşaq evlərinə edilən yardımların da sayında ciddi artım müşahidə edilir.

2. ABŞ
"Gallup" siyahısında ikinci yerdə olan ABŞ-da isə yardımsevərliliyin dindən qaynaqlanmadığı görünür. Böyük şəhərlərdə, qəsəbələrdə və kəndlərdə yardım fərqli mənalar kəsb edir. Məsələn, Vaşinqton kimi şəhərdə bir çox xeyriyyə fondu var. Kiçik bölgələrdə isə bəzən xeyriyyə aksiyaları üçün məcburiyyət də olur.

Amerikalıların düşüncəsinə görə, insanların bir-birinə yardım etmə adəti mədəniyyətin bir parçasıdır. Eyni zamanda, ABŞ-da yaşayan xaricilər də amerikalıların yardımsevər və cömərd olduğunu bildirir.

3. Avstraliya
Siyahıda üçüncü yerdədir. İnsanların uğur əldə etmək üçün şansları olması barədə inanc Avstraliya mədəniyyətinin önəmli bir xüsusiyyətidir.

Xüsusən də Melburnda yardımsevərlik ruhu daha yüksəkdir. 2004-cü ildə İndoneziyada baş verən sunamidən sonra Avstraliya 42 milyon dollarlıq yardım etmişdi.

4. Yeni Zellandiya
Yeni Zelandiya xalqının qonşularla həmrəylik ənənəsi qədim dövrlərdən gəlir. Vətəndaşlıq duyğusu yardımsevərlik xüsusiyyəti üçün vacib faktordur.

"The Free Store" aksiyasına əsasən restoranlarda və qənnadı evlərində satılmayan məhsullar alınaraq ehtiyacı olanlara paylanılır.

Araşdırma nəticələrinə əsasən aşağıdakı siyahını təqdim edirik:

Xeyriyyə fondlarının hesablarına ən çox pul köçürənlər:

1. Myanmar
2. İndoneziya
3. Avstraliya
4. Malta
5. Yeni Zellandiya

Ən çox könüllü çalışanlar:

1. Türkmənistan
2. Myanmar
3. İndoneziya
4. Şri-Lanka
5. ABŞ

Xaricilərə ən çox kömək edənlər:

1. Liviya
2. Somali
3. Malavi
4. Botsvana
5. ABŞ

Hikmət
Ölkə.Az