Şəhid olan türk polis haqqqında azərbaycanlı qızdan duyğusal paylaşım
İzmirdə terror aktı zamanı şəhid olan polis haqqında azərbaycanlı qızın bölüşdüyü xatirəsinə türk mətbuatında geniş yer verilib.
Ölkə.Az xəbər verir ki, Günel Tahirli Cansu sosial şəbəkədə şəhid Fetih Sekin ilə Ədliyyə binası önündə baş verən dialoqunu yazıb.
"Məhkəmədə tərcüməçilik etdiyim üçün İzmir ədliyyəsinə tez-tez gedirəm. Bir dəfə maşınımı saxlamağa yer olmadı. Polisə yaxınlaşıb ondan kömək istədim. Məni rəsmi avtomobillərin saxlandığı yerdə maşınımı park etməyə icazə verdi".
Daha sonra Günel Tahirli Cansu "Azərbaycan qızı, Türk gəliniyəm. Şəhid qardaşımızın ruhu şad olsun" - deyə yazıb.
