Pişik əti hansı ölkələrdə yeyilir?

Ev heyvanının əti dovşan əti yerinə verilirmiş.

Ölkə.Az xəbər verir ki, Çin və Vyetnam əhalisi pişik əti ilə qidalanır. Buna baxmayaraq, pişik əti çətin zamanlarda başqa ölkələrdə də yeyilib. Buna misal olaraq Leninqrad blokadasını göstərmək olar. Bu tarixi blokada zamanı insanlar nəinki pişik, hətta insan ətini yeyirdilər. 1996-cı ildə Argentina mətbuatında Rosario şəhərinin kasıb məhəllələrində pişik əti ilə qidalanmanın geniş yayıldığını yazırdılar. 2008-ci ildə məlumat yayılmışdı ki, Quanduana və Çin sakinlərinin rasionunda pişik əti yer alıb. Onu da qeyd edək ki, Çində pişik ətinin qida kimi istifadə olunmasını qadağan edən qanun hələ də qəbul olunmayıb. Restoranlarda heyvanları vəhşiçəsinə öldürərək müxtəlif yeməklərin hazırlanmasında istifadə edirlər. Bu məkanlarda pişik ətini dovşan əti adı ilə masaya gətirirlər. Buna səbəb isə onların bədən və ətlərinin həddindən artıq oxşar olmasıdır.

Vyetnamlılar isə pişik ətini sağlamlıqlarını möhkəmləndirmək məqsədilə istifadə edirlər. Bu "ekzotik" qida deyilənə görə, astma, tuberkulyoz, ürək və digər xəstəliklərin müalicəsi prosesində əvəzsiz rola malikdir. Vyetnam restoranlarının arxa küçələrində xüsusi qutularda saxlanılan müxtəlif cins pişikləri görmək olar. Bu isə onu göstərir ki, bu məkanda ət sifariş etmək o qədər də məsləhətli deyil.

Şimali İtaliyada pişik ətinin yeyilməsi barədə söhbətlər dolaşmaqdadır. 2010-cu ildə efirdə pişik ətinin yeyilməsi barədə danışan məşhur aşpaz sərt şəkildə tənqid olunmuşdu. Ümumiyyətlə, Avropa ölkələrində Birinci və İkinci Dünya Müharibələri dövründə pişik əti yeganə xilas olub və insanlara avstraliya dovşanı adı altında təqdim olunurdu.

Pişik ətinin yeyilməsi barədə deyəcəyimiz faktlar bu qədər idi.

Rəşid Mustafazadə

Ölkə.Az