“WhatsApp” istifadəçiləri üçün mavi işarəyə çarə

Xəbər verdiyimiz kimi “WhatsApp”da mesajların oxunduğunu bildirmək məqsədilə yeni funksiyası proqram istifadəçilərinə təqdim edilmişdi

Yeni funksiyaya görə, istifadəçilərə gələn mesajların oxunub-oxunulmamasını asanlıqla müəyyən etmək olurdu. Bu isə "WhatsApp” istifadəçilərinin çoxunun narahatlığına səbəb olmuşdu. 

Bəs bu mavi işarədən necə xilas olmaq olar?

Ölkə.az sizi tanışlarınızın qarşısında pis vəziyyətə salan bu yeni funksiyadan xilas olmağın yollarını təqdim edir.
Bunun üçün həm “Android” həm də İOS proqramlı “iPhone”larınızı “Təyyarə” rejiminə (Airplane, Uçak Mode) salaraq, və ya interneti tamamən kəsərək həmin mesajı oxuya bilərsiniz. İnternet olmadan mesajı oxuduğunuz üçün “WhatsApp” bunu anlamayacaq və qarşı tərəf də “mavi işarə”ni görməyəcək.

Qeyd edək ki, bu üsulu indiyədək də etmək mümkün idi. Belə ki, “WhatsApp”-a son giriş saatını gizlətməyən istifadəçilər gələn mesajları interneti kəsərək oxuduqda "online" göstərmir və son giriş saatı dəyişmirdi.

Ölkə.Az