İndoneziyalılar kobraların şəfalı olduğuna inanırlar və...

"Ölkə.Az" xəbər verir ki, yerli əhali xalq təbabətində bu ilanların ətindən və qanından istifadə edir.

İndoneziyanın paytaxtı Cakartanın qərbində Mangga Bessar rayonunda axşam saatlarında küçələri kobra ətinin qoxusu bürüyür. 

Müştərilərin bəzisi bitki tərkibli mayelərlər qarışdırılıb siropa çevrilən ilan qanını, bəzisi də manqalda qızardılan kobra ətini üstün tutur.

Kobra qanı ilə əvvəldən hazırlanan krem və kapsullar piştaxtalara düzülür, sirop isə müştərinin önündə hazırlanır. İlanın əti isə manqalda qızardılaraq soğan bibər və limonla birlikdə təklif edilir. İlan qanından hazırlanan sirop və qızardılmış kobra əti allergiyaya qarşı təsirlidir və metabolizmi gücləndirir.

Dəriyə qulluq, eqzema və müxtəlif xəstəliklərin müalicəsi üçün kobra qanından istifadə edilir. Bir kobra 5 dollara satılır. İlanın dərisindən isə pul kisəsi və kəmər hazırlanır.

Hikmət
Ölkə.Az