Zika virusunun daşıyıcısı ağcaqanadlardır

"Ölkə.Az" xəbər verir ki, alimlər bu barədə tədqiqat aparıblar və nəticələri paylaşıblar. 35 növ ağcaqanadın 7 növü ABŞ-da yaşayır. 

Əvvəllər məlum idi ki, Zika virusunu "Aedes" növünə məxsus "Aedes aegypti" və "Aedes albopictus" ağcaqanadları daşıyır. Corciya universitetinin alimləri riyazi model əsasında Zika virusu və onun daşıyıcıları barədə məlumatları təhlil ediblər. Məlub olub ki, 35 növ ağcaqanad Zika virusunun daşıyıcısı ola bilər.

Alimlər təklif ediblər ki, əldə edilən nəticələrdən müxtəlif növ ağcaqanadların virus daşıyıcısı olmalarını yoxlamaq üçün testlərdə istifadə etsinlər.

Baxmayaraq ki, virus o qədər də təhlükəli deyil, amma hamilə qadınlarda dölün ağır patologiyasına səbəb ola bilər. Bu səbəbdən virusa yoluxmaqdan qorunmaq vacib sayılır.

Hikmət
Ölkə.Az