IQ səviyyəsi nədən asılıdır?

İntellekt nəsildən-nəsilə ötürülür?

Ölkə.Az xəbər verir ki, bir qrup alimlər yeni tədqiqatın aparılması zamanı müəyyən ediblər ki, insanın intellekt əmsalının dərəcəsi (IQ) genetik səviyyədə yaranır.

Alimlər arasında uzun müddətdir ki, IQ səviyyəsinin nədən asılı olması ətrafında mübahisələr gedir. Alimlərin bir qismi intellekt göstəricisinin ətraf mühitdən, digəri isə sırf genlərdən asılı olduğunu iddia edirlər. Amerika alimlərinin yeni araşdırmasının məqsədi bu mübahisələrə son qoymaq idi. IQ səviyyəsi bizim genlərdə doğulmamışdan əvvəl olur, yoxsa ətraf mühit tərəfindən aşılanır.

Təcrübəyə eyni evdə yaşayan, lakin biri doğma, digəri isə ögey olan iki eyni həmyaşıq uşaq cəlb olunub. Hər iki uşaq eyni testlərdən keçərək öz biliklərini və intellektual səviyyəsini nümayiş etdiriblər. Bu təcrübə onlar üzərində məktəb dövründə və yetkin yaşda aparılıb.

Nəticədə məlum olub ki, eyni evdə böyüyən uşaqların IQ göstəriciləri tamamilə bir-birindən fərqlidir. Bu səbəbdən alimlər intellektin nəsildən-nəsilə ötürüldüyünü iddia ediblər.

Xatırladaq ki, IQ insanın malik olduğu intellekt qabiliyyətinin kəmiyyət göstəricisidir. Verilmiş şəxs eyni zamanda cəmiyyətdə orta statistik insanın malik olduğu intellektə nisbətən müqayisə olunur. Bunun üçün xüsusu testlər mövcuddur. IQ testləri bilik səviyyəsini yox, düşünmə qabiliyyətini aşkar etməyə xidmət edir. İntellekt əmsalı ümumi intellekt faktorunun (g) qiymətləndirilməsi üçün tətbiq edilir.

Rəşid Mustafazadə

Ölkə.Az