WhatsApp istifadəçilərinə müjdə
"Mavi işarə"-nin çarəsi tapıldı.
Ölkə.Az The Independent-ə istinadən xəbər verir ki, bir müddət öncə ağıllı telefonlar üçün"Whatsapp"a yeniləmə gəlmişdi.
Belə ki, bundan sonra "WhatsApp"da göndərdiyiniz mesajların oxunub oxunmadığı yazının yanındakı "mavi işarə" sayəsində aydın olacaqdı.
Bu yeniləmədən əvvəl "Whatsapp"da mesajların göndərilən adama gedib-getmədiyi ismarıcların yanındakı "boz işarə" sayəsində aydın olurdu lakin şəxsin mesajı oxuyub-oxumadığı bilinmirdi. Lakin bu yenilik istifadəçilərin narazılığına səbəb olduğu üçün şirkət bu funksiyanın söndürülməsi üçün yollar axtarmağa başladı.
Bu yenilikdən yalnız tətbiqin beta-versiyasını yükləyən Android istifadəçiləri yararlana biləcəklər. Yeni beta-versiyanı yükləyən istifadəçilər "Ayarlar"-ın "Məxfilik" bölməsində "Mesajların oxunması" funksiyasını söndürməklə mesajları oxuduğunuz vaxtda "Mavi işarənin" görünməsinin qarşısını almış olurlar.
Sözügedən yenilik ilk dəfə Android Police-də görünüb. Beləliklə, əgər siz hər lazımsız mesaja cavab vermək məcburiyyətində qalmaq istəmirsinizsə, bu yeniliyi "WhatsApp"ın rəsmi saytından yükləyə bilərsiniz.
Rəşid Mustafazadə
Ölkə.Az
