Alimlərin yeni tədqiqatı
"Ölkə.Az" xəbər verir ki, neyrobioloqların yeni araşdırması müəyyən edib ki, insanın iybilmə qabiliyyəti it və kəsəyənlərin iybilmə qabiliyyətindən zəif deyil. İnsanda iybilmə qabiliyyətinin pis olması barədə streotipə baxmayaraq, müəyyənləşdirilib ki, insan digər məməlilər kimi eyni sayda iybimlə neyronlarına sahibdir.
Amma insanın beynində iybilmə soğancıqları itdəkinə nisbətən 40, kəsəyəndəkinə nisbətən 200 dəfə kiçikdir. Bununla yanaşı, bütün məməlilərdə iybilmə neyronlarının sayı eynidir, yəni 10 milyondur.
Bundan başqa tədqiqatlar müəyyən edib ki, qoxu və iy insanlarda qərar qəbul etməyə təsir edir. Təcrübə vaxtı bir neçə dəfə məşq etdikdən sonra insanlar verilmiş tapşırığın öhdəsindən daha asanlıqla gəliblər.
Beləcə, insanın iybilmə qabiliyyəti zəif deyil. Onun işi daha çox əzələ işinə bənzəyir. Əgər müntəzəm və aktiv surətdə ondan istifadə edib məşq etsək, imkanı maksimuma çatdıra bilərik.
Hikmət
Ölkə.Az
