Səddam Hüseynin nəvəsi evlənir

Toy noyabrın 24-də baş tutacaq.

Ölkə.Az türk mətbuatına istinadən xəbər verir ki, internetdə İraqın keçmiş lideri Səddam Hüseynin (böyük qızı Raqadın qızı) nəvəsinin toyqabağı çəkilmiş fotoları yayılıb. Bildirilir ki, İordaniyada təşkil olunmuş xına mərasimindən çəkilmiş fotoları internetə gəlinin anası ötürüb. Bu şəkillər internet istifadəçilərinin böyük marağına səbə olub. Məlum olub ki, noyabrın 24-də baş tutacaq toy mərasimi üçün qonaqlara qartal formasında hazırlanmış xüsusi dəvətnamələr paylanılıb. Qartal işarəsi isə baasizm ərəb milli ideologiyasının simvolu hesab olunur.

Xatırladaq ki, Səddam Hüseyn 2003-cü ildə ABŞ və Böyük Britaniyanın rəhbərliyi altındakı çoxmillətli koalisiya qoşunlarının İraqı işğal etməsi nəticəsində hakimiyyətdən devrilmiş və 2006-cı il dekabrın 30-da İraq Ali Məhkəməsinin qərarına əsasən asılaraq edam edilmişdi.

Xına mərasimindən olan bəzi görüntüləri sizlərə təqdim edirik:

 

Rəşid Mustafazadə

Ölkə.Az