Bu it San Fransiskonun meri oldu

İt San Fransiskonun meri oldu.

Ölkə.Az Reuters agentliyinə istinadən xəbər verir ki, San Fransiskoda çixuaxua cinsindən olan it bir günlük mer vəzifəsinə təyin edilib. Bu, heyvanlar üçün şəhər sığınacağına dəstək kampaniyası çərçivəsində həyata keçirilib.

Frida adlı balaca itin sahibi xüsusi təşkil olunmuş hərracda 5 min dollar ödəyərək qalib olub. İtin vəzifəni icra etdiyi gün şəhərdə müxtəlif obyektlərə səfərlər edəcəyi və sonda təqaüd paketinin təqdim olunması planlaşdırılıb. Təqaüd paketinə isə balaca Fridaya lazım olan müxtəlif əşyalar və hər növ qidalar daxil edilib.

Xatırladaq ki, analoji aksiya ötən ilin noyabrında baş tutmuşdu. Bu aksiya uşaq xərçəngi ilə mübarizəyə həsr olunmuşdu. Həmin gün San Fransisko beş yaşlı Maylz Skottun leykemiyə üzərində qələbəsinə ithafən Qoteta adlı nağılvari şəklə çevrilmişdi.

Rəşid Mustafazadə

Ölkə.Az