Hitler yəhudi olub

Nə üçün Hitler yəhudiləri kateqoriyaya ayıraraq məhv edirdi?

Ölkə.Az Belçikanın flamand dilində nəşr olunan "Knack" jurnalına istinadən xəbər verir ki, nasizm ideyasının yaradıcısı, Alman Nasional Sosialist Fəhlə Partiyasının sədri Adolf Hitlerin əcdadları arasında yəhudi və Şimali Afrikada yaşayan bərbərlər olub.

Jurnalist Jan Pol Mulders Hitlerin nəsil şəcərəsini izləmək üçün xüsusi olaraq tarixçi və genetik alimləri cəlb edib. Muldersin məqaləsinin əsas mahiyyətini isə Hitlerin ABŞ və Avstriyada yaşayan 39 qohumundan alınmış RNT testi olub.

Uzun araşdırmadan sonra məlum olub ki, Hitlerin bütün qohumlarında Y xromosomlu E1b1b haploqrupu nəinki Almaniyada və Qərbi Avropada, hətta Avropada belə nadir rast gəlinən göstərici hesab olunur. Y xromosomlu E1b1b haploqrupu Siciliya adası və Yunanıstan sakinlərinin cəmi 25 faizində vardır.

Lakin bu qrup Mərakeş, Əlcəzair, Tunis və Somalidə yaşayan bərbər tayfasının nümayəndələrinin 50-80 faizinin genetik göstəricilərində əks olunur. Tədqiqatın ən maraqlı tərəfi isə sözügedən qrupun əşkinazi yəhudilərində daha geniş yayılıb.

Əşkinazi yəhudiləri orta əsrlər dövründə bugünkü Almaniya torpaqlarını ifadə edən sözdür. O dövrdə bu bölgədə yaşayan yəhudilər bu cür adlandırılmağa başlanmışdı. İkinci Dünya Müharibəsi dövründə Adolf Hitler tərəfindən həyata keçirilən Holokost (Yəhudi Soyqırımı) qurbanlarının böyük əksəriyyəti əşkinazi yəhudisi idi.

Azərbaycanda ilk əşkinazi yəhudiləri 1811-ci ildə Bakıda məskunlaşmış,lakin ilk kütləvi mühacirətə 1870-ci illərdən başlamışdılar. Alman yəhudi mənşəli Rotşild ailəsinin sərvəti hesabına Rusiya imperiyası ərazisindəki ən nüfuzlu neft şirkəti olan Xəzər – Qara dəniz Şirkətinin əsası qoyulmuşdu. Əşkinazi yəhudiləri Azərbaycanın siyasi həyatında da aktiv iştirak etmişdilər. Azərbaycan Demokratik Respublikasının Səhiyyə Naziri Yevsev Gindes məhz əşkinazi yəhudilərindən olub. Bununla yanaşı, 26 Bakı Komissarından altısı, 1912-ci ildə Bakıda qeydiyyatdan keçən hüquqşünas və həkimlərin isə üçdə biri əşkinazi yəhudisi olmuşdu.

Rəşid Mustafazadə

Ölkə.Az