Tünerlər "Ferrari 488 GTB" avtomobilinə "əl gəzdirdilər"
"Misha Design" tüninq şirkəti "Ferrari 488 GTB" modeli üzərində işləyiblər.
"Ölkə.Az" xəbər verir ki, bu şirkətin bir çox layihəsi mənfi reaksiyalara səbəb olsa da, yeni "Ferrari 488 GTB" modeli bir çoxları tərəfindən müsbət qarşılanıb.
Avtomobil karbon lifindən hazırlanan bir sıra yeni komponentlərlə təchiz edilib. Bunun sayəsində model daha aqressiv təsir bağışlayır. Bamper, yan elementlər, spoyler, ikiqat səsboğucu sistem və bir çox detallar dəyişdirilib. Bütün komponentlər karbondan hazırlanıb. Bu isə avtomobilin çəkisinin də azalması mənasına gəlir. Kuzovun boz rənginə uyğun olaraq qara diskli italyan superkarı daha effektiv təsir bağışlayır.
Hikmət
Ölkə.Az
