Bizə qədər sivilizasiyanın olduğu sübut olundu

Sən demə, bizə qədər yüksək texnologiyalar mövcud idi.

Ölkə.Az Rusiyanın "Мир Новостей" jurnalına istinadən xəbər verir ki, Krasnodarsk vilayətində yaşı yarım milyarddan çox olan artefakt (süni üsulla hazırlanmış hər hansı obyekt) tapılıb. Üzərində mikroçip olan bu obyekt alimləri əməlli-başlı çaşdırıb.

Krasnodarsk vilayətinin Labinsk şəhər sakini Viktor Morozov bu daşı balıq tutarkən Xodz çayında tapıb. Qeyri-adi tapıntı alimlərin bizə qədər Yer kürəsində həyat və mədəniyyətin mövcud olduğuna dair fikirlərini təsdiqləyib.

Daş tədqiqatçılara verilib və onunla bağlı son qərar iki gün ərzində açıqlanıb. Belə ki, geoloji təcrübəyə əsasən, daşın yaşı 250 milyon ildən çoxdur. Bu isə o dövrdə dünyada yüksək texnologiyaların olduğunu isbat edir.

Təcrübənin təfərrüatlarının yaxın zamanda açıqlanacağı gözlənilir.

Rəşid Mustafazadə

Ölkə.Az